Xornada 30 aniversario Erasmus+: empregabilidade e vulnerabilidade xuvenil

Por /
A Dirección Xeral de Xuventude, Participación e Voluntariado en colaboración coa Axencia Nacional do programa Erasmus+ organizará o día 28 de xuño no concello de Curtis (A Coruña) unha xornada de intercambio de experiencias desenvoltas nos 30 anos de vida desta iniciativa vinculadas á mocidade, o emprego e a empresa.
Baixo o lema 30 aniversario Erasmus+: empregabilidade e vulnerabilidade xuvenil, búscase dar a coñecer as posibilidades de formación no estranxeiro que ofrece este programa aos mozos e mozas que están no tránsito do mundo académico ao laboral. Entre os beneficios, destacan a mellora do seu nivel de competencias e aptitudes, o coñecemento doutras linguas e culturas e o incremento do seu nivel de independencia e responsabilidade. Ademais, poden ampliar a súa visión sobre cooperación, innovación e os distintos mercados de traballo.

A consecución destes obxectivos son os que se amosarán durante a xornada, que se desenvolverá no Centro Etnográfico do río Mandeo e que incluirá un taller sobre a empregabilidade e vulnerabilidade xuvenil, un panel de experiencias e visitas aos proxectos empresariais da zona.

A xornada está destinada a técnicos de xuventude e de emprego, representantes e membros de asociacións xuvenís, mozos e mozas non asociados, informadores xuvenís e calquera persoa interesada, que deberán inscribirse previamente a través dun formulario disponible web de Xuventude.

Datas e lugar de celebración:  28 de xuño de 2017.
Centro Etnográfico Río Mandeo
Paseo Fluvial, 20, 15310 Teixeiro. Curtis

Programa provisional
09:45 h Recepción de participantes e entrega de material
10:15 h Presentación da xornada
10:30-12:00 h Taller: “Empregabilidade e vulnerabilidade xuvenil”
12:00-12:30 h Pausa café
12:30–14:00 h Panel de experiencias de iniciativas derivadas de experiencias             Erasmus+
14:00-15:00 h Xantar
16:00-19:00 h Visita a proxectos empresarias

Cobertura
Os gastos de xantar e traslado para realizar as visitas a proxectos empresariais dende o lugar de realización da xornada corre a cargo da organización.

Inscricións: Mediante envío de formulario electrónico no seguinte enlace: http://www.voluntariadogalego.org/web/modulo.php?mod=ppr&idc=261

Prazo de inscrición: Ata as 12:00 horas do día anterior á realización da actividade.
Máis información: erasmus.xuventude@xunta.gal